صدقے جاؤں

صدقے جاؤں مُجھ بیمار سے کہتے ہیں پڑے رہو

اور لوگوں سے پوچھتے ہیں کیسا ہے مسعود

محمد مسعود نونٹگھم یو کے

طعنہ

کمال کا طعنہ دیا ہے آج کسی نے مسعود 

اگر وہ تیرا ہے تو تیرے پاس کیوں نہیں

محمد مسعود نونٹگھم یو کے 

خوش رہو اور لمبی زندگی پاؤ 

محمد مسعود میڈوز نونٹگھم یو کے

بظاھر میں یہ ایک دعا ہے کہ ہمیشہ خوش رہو اور لمبی زندگی پاؤ . جگ جگ جیو .. ہمیشہ مسکراتے رہو .. لیکن حقیقت میں اگر کوئی بندہ اس پر عمل کرتا ہے یا اسے اس دعا کا اثر ہو جاتا ہے . تو سچ میں ہی اس کی زندگی میں اضافہ ہو جاتا ہے . اس بات کی تحقیق آج کی سائنس نے بھی کر دی ہے . ایک نئی تحقیق کے مطابق یہ بات سامنے ہے ہے کہ کوئی بھی خوشی انسان کی زندگی میں اضافہ کر دیتی ہے . انسان کو خوشی اس کی عمر میں ٧ سے ١٠ سال تک کا اضافہ کر دیتی ہے 

یہ تحقیق ہالینڈ کے ایک سائنس دان نے دی ہے . اس نے اس قسم کی تحقیق پر ایک بہت وقت گزارا ہے اور اس کے بعد اسے نے اس بات کو ثابت کر دیا ہے کے انسان کو کوئی بھی خوشی کی اس کی زندگی میں اضافہ کا سبب بنتی ہے لیکن ابھی اس بات پر تحقیق جاری ہے کہ ایسا کیوں اور کیسے ہوتا ہے ؟ یعنی کے انسان کو کوئی بھی خوشی تو مل جاتی ہے لیکن وہ خوشی اس پر کیسے عمل کرتی ہے . اسے کس طرح اس کی عمر میں اضافہ کا سبب بنتی ہے

ایک طرف تو یہ تقیق ہو چکی ہے کے خوشی انسان کی زندگی میں اضافہ کرتی ہے لیکن دوسری طرف وہ اس بات کے کھوج میں لگے ہوے ہیں کہ خوشی انسان کو کن چیزوں سے ملتی ہے وہ کون سے اسباب ہیں جو انسان کو خشی دے سکتے ہیں . کیوں کے بہت سے ایسے لوگ ہیں جن کے پاس بی پناہ دولت اسباب کے بعد بھی وہ خوشی سے محروم ہیں اسی طرح خوشی ان چیزوں سے حاصل نہیں ہوتی ایک حد تک ان چیزوں کی خوشی دیتی ہے اس سے زیادہ ہونے پے یہ خوشی فراہم نہیں کر سکتی . اسی طرح خوشی انسان کو رشتوں سے ، دوستوں اور قانون کے سہی ہونے سے بھی حاصل ہوتی ہے .. لیکن جو بھی ہے میری تو آپ سب کو دعا ہے کہ ہیمشہ خوش رہو ....اور لمبی زندگی پاؤ آخر میں میرے لیے والدین کے لیے اور میری ساری فیملی کے لیے دُعا کریں اور میں آپ کے لیے 

آمین ثم آمین 

یادیں

یادیں کیوں نہیں بچھڑ جاتی مسعود 

لوگ تو پل  بھر میں  بچھڑ جاتے ہیں 

محمد مسعود نونٹگھم یو کے

تنہائی

بتاؤ مُجھے میں تنہائی کو تنہائی میں تنہا کیسے چهوڑ دوں 

اس تنہائی نے تنہائی میں تنہا میرا ساتھ  دیا ہے مسعود 

محمد مسعود نونٹگھم یو کے

اُبلا انڈا

اُبلا انڈا 

محمد مسعود نونٹگھم یو کے

یہ واقع تقریباً 1988 کا ہے اور نومبر یا دسمبر تھا پوری سردی آدھے کپڑے اِک غربت کا مارا بچہ اُبلے انڈے بیچ رہا تھا ٹھٹھری ہوئی آواز جب اُس کی میری کار کے اندر آئی میں جو اِس پوری سردی میں پورے کپڑے پہنے اپنی کار کے ہیٹر کے آگے تھا میں نے بھی اِک اُبلا انڈا گرم فضا میں بیٹھ کے کھایا جو اُس پیارے سے بچے نے سرد ہوا میں سڑک کنارے بیٹھے اور اپنے کانپتے ہوئے ہاتھوں سے چھیلا تھا پیسے دیتے دیتے میں نے اُس بچے کو غور سے دیکھا پوری سردی آدھے کپڑے اُف نیلے ہونٹوں والا بچہ سرد ہوا میں کانپ رہا تھا بچپن اُس کا ہانپ رہا تھا میں نے اُس کی حالت دیکھی

اور کہا کہ بیٹا تم بھی اِیک انڈہ کھا لو تو کیا ہے  وہ بولا کہ توبہ انکل بیس روپے کا مہنگا انڈہ میں کیسے کھا سکتا ہوں 

اچھے لوگ

کل رات انٹرنیٹ نہیں چل رہا تھا

تو میں اپنے گھر والوں کے پاس 

جا کر بیٹھ گیا

اچھے لوگ ہیں یارو وہ بھی

محمد مسعود نونٹگھم یو کے

میں افسانے اور شعر و شاعری کیونکر لکھتا ہوں

میں افسانے اور شعر و شاعری کیونکر لکھتا ہوں
تحریر محمد مسعود نونٹگھم یو کے

معزز خواتین و حضرات! مجھ سے کہا گیا ہے کہ میں یہ بتائوں کہ میں افسانہ اور شعر و شاعری کیونکر لکھتا ہوں۔ یہ ’کیونکر‘ میری سمجھ میں نہیں آیا۔ ’کیونکر‘ کے معانی لغت میں تو یہ ملتے ہیں۔ کیسے اور کس طرح۔ اب آپ کو کیا بتائوں کہ میں افسانہ اور شعر و شاعری کیونکر لکھتا ہوں۔ یہ بڑی الجھن کی بات ہے۔ اگر میں ’کس طرح‘ کو پیش نظر رکھوں۔ تو یہ جواب دے سکتا ہوں کہ اپنے کمرے میں صوفے پر بیٹھ جاتا ہوں۔ کاغذ قلم پکڑتا ہوں اور بسم اللہ کر کے افسانے لکھنا شروع کر دیتا ہوں۔ میرے دو بچے ہیں ایک بیٹا اور ایک بیٹی  بیٹی لندن اور بیٹا جسکا نام وقاص مسعود میرے پاس ۔ میں اِس سے باتیں بھی کرتا ہوں لڑائی بھی اور کبھی کبھی باہم لڑائیوں کا فیصلہ بھی کرتا ہوں، اپنے لیے چائے ’سلاد‘ کھانا وغیرہ وغیرہ جو بھی پسند ہو تیار کرتا ہوں، اگر کوئی ملنے والا آ جائے  تو اس کی خاطر داری بھی کرتا ہوں۔ مگر افسانے اور شاعری بھی اپنے ذہین میں لکھے جاتا ہوں۔ اور ساتھ ساتھ سوچتا بھی جاتا ہوں 

اب کیسے ‘ کا سوال آئے تو میں یہ کہوں گا کہ میں ویسے ہی افسانے اور شاعری لکھتا ہوں جس طرح کھانا کھاتا ہوں، غسل کرتا ہوں، سگریٹ پیتا ہوں معاف کرنا کبھی پیتا تھا اور جھک مارتا ہوں۔ اگر یہ پوچھا جائے کہ میں افسانے کیوں لکھتا ہوں تو اس کا جواب حاضر ہے… میں افسانہ اول تو اس لیے لکھتا ہوں کہ مجھے افسانہ نگاری کی چائے کی طرح لت پڑ گئی ہے۔ میں افسانہ نہ لکھوں تو مجھے ایسا محسوس ہوتا ہے کہ میں نے کپڑے نہیں پہنے یا میں نے غسل نہیں کیا۔ یا میں نے چائے نہیں پی۔ میں افسانے نہیں لکھتا۔ حقیقت یہ ہے کہ افسانے مجھے لکھتے ہیں میں بہت کم پڑھا لکھا آدمی ہوں۔ لیکن مجھے بعض اوقات حیرت ہوتی ہے کہ یہ کون ہے جس نے اس قدر اچھے افسانے لکھے ہیں شعر ؤ شاعری لکھی جن پر آئے دن لوگ کہتے ہیں کہ مسعود صاحب کیا بات ہے کیا واقع یہ آپ نے لکھا ہے جب قلم میرے ہاتھ میں نہ ہو تو میں صرف محمد مسعود ہوتا ہوں۔ جسے اردو آتی ہے نہ فارسی، انگریزی نہ فرانسیسی۔ افسانہ میرے دماغ میں نہیں، جیب میں ہوتا ہے، جس کی مجھے کوئی خبر نہیں ہوتی۔ میں اپنے دماغ پر زور دیتا ہوں کہ کوئی افسانہ نکل آئے، افسانہ نگار بننے کی بھی بہت کوشش کرتا ہوں۔ چائے پہ چائے پیتا ہوں 
مگر افسانہ دماغ سے باہر نہیں نکلتا۔ آخر تھک ہار کر بانجھ عورت کی طرح لیٹ جاتا ہوں۔ اس لیے بڑی کوفت ہوتی ہے۔ کروٹیں بدلتا ہوں۔ اٹھ کر اپنی چڑیوں کو دانے ڈالتا ہوں۔ بیٹے وقاص اور اپنی بیٹی ہما سے اور اپنی پوتی عنائیہ سے باتیں کرتا ہوں گھر کا کوڑا کرکٹ صاف کرتا ہوں… جوتے…ننھے منے جوتے جو گھر میں جا بجا بکھرے ہوتے ہیں۔ اٹھا کر ایک جگہ سے دوسری جگہ رکھتا ہوں… مگر کم بخت افسانہ جو میری جیب میں پڑا ہوتا ہے، میرے ذہن میں نہیں اترتا… اور میں تلملاتا رہتا ہوں۔ جب بہت زیادہ کوفت ہوتی ہے تو باتھ روم میں چلا جاتا ہوں۔ مگر وہاں سے بھی کچھ حاصل نہیں ہوتا۔ سنا ہوا ہے کہ ہر بڑا آدمی غسل خانے میں سوچتا ہے لیکن مجھے تجربے سے یہ معلوم ہوا ہے کہ میں بڑا آدمی نہیں ہوں، اس لیے کہ میں غسل خانے تک میں نہیں سوچ سکتا… لیکن حیرت ہے کہ پھر بھی کافی اچھا لکھ لیتا ہوں یہ میں نہیں کہتا آپنے چاہنے والوں کی داد سے پتہ چلتا ہے جو میری شاعری اور افسانوں کو بہت پیار ؤ محبت سے پڑتے اور بہت سارا پیار بھی نچھاور کرتے ہیں اور زیادہ دیر دُور رہو تو پُوچھ بھال بھی کرتے ہیں اور زیادہ دیر دُور نہیں رہنے دیتے
میں خدا کو حاضر ناظر رکھ کے کہتا ہوں کہ مجھے اس بارے میں کوئی علم نہیں کہ میں افسانہ کیونکر لکھتا ہوں اور شعر و شاعری کیسے لکھتا ہوں۔ اکثر اوقات ایسا ہوا ہے کہ جب میں زچ بچ ہوگیا ہوں۔ تو میرا دل کہتا ہے مجھ سے یہ آپ سوچئے نہیں، قلم اٹھائیے اور لکھنا شروع کر دیجیئے میں اس کے کہنے پر قلم یا پنسل اٹھاتا ہوں اور لکھنا شروع کر دیتا ہوں دماغ بالکل خالی ہوتا ہے، لیکن جیب بھری ہوتی ہے خود بخود کوئی افسانہ اچھل کے باہر آجاتا ہے۔ میں خود کو اس لحاظ سے افسانہ نگار نہیں، جیب کترا سمجھتا ہوں جو اپنی جیب خود بھی کاٹتا ہے اور آپ کے حوالے کردیتا ہے۔ 
مجھ ایسا بھی بے وقوف دنیا میں کوئی اور ہوگا۔
بس میں ایسا ہی ہوں 

دُکھوں کی چادر جفا کا تکیہ

ﮐﺒﮭﯽ ﺗﻮ ﺁﺅ ﺍﻭﺭ ﺁ ﮐﮯ ﺩﯾﮑﮭﻮ ﻧﻈﺎﺭﮦ ﻣﯿﺮﯼ  ﺁﺭﺍﻡ ﮔﺎﮦ ﮐﺎ ﮨﺠﺮ ﮐﺎ ﺑﺴﺘﺮ ﺩﮐﮭﻮﮞ ﮐﯽ ﭼﺎﺩﺭ

ﺟﻔﺎ ﮐﺎ ﺗﮑﯿﮧ ﻧﮧ ﻧﯿﻨﺪ ﺁئے ﻧﮧ ﭼﯿﻦ ﺁﮰ ﺳﻠﮕﺘﯽ ﺁﻧﮑﮭﯿﮟ ﺩﮨﮑﺘﮯ ﺁﻧﺴﻮ ﺟﻮ ﺧﻮﺍﺏ ﺩﯾﮑﮭﯿﮟ ﻭﮦ ﭨﻮﭦ ﺟﺎﮰ ﺗﮭﮑﻦ ﺑﮩﺖ ﮨﮯ ﺟﻠﻦ ﺑﮩﺖ ﮨﮯ ﺍﺩﮬﻮﺭﮮ ﭘﻦ ﮐﯽ ﭼﺒﮭﻦ ﺑﮩﺖ ﮨﮯ ﻧﮧ ﮐﺎﺭ ﺩﻧﯿﺎ ﻧﮧ ﮐﺎﺭ ﺟﺎﻧﺎﮞ ﮐﻮﺋﯽ ﻋﺬﺭ ﻧﮧ ﮐﻮﺋﯽ ﺑﮩﺎﻧﮧ ﻋﺠﯿﺐ ﺁﺗﺶ ﻓﺸﺎﮞ ﺳﯽ ﮨﻠﭽﻞ ﺣﺒﺲ ﮐﯽ ﺭﺕ ﻣﯿﮟ ﺗﺸﻨﮧ ﺑﺎﺩﻝ ﺗﯿﺮﮔﯽ ﮨﮯ ﺧﺎﻣوشی ﮨﮯ ﻧﯿﻨﺪ ﮐﯽ ﻣﺠﮫ ﺳﮯ ﺩﺷﻤﻨﯽ ﮨﮯ ﺑﺪﻟﺘﮯ ﭘﮩﻠﻮ ﯾﻮﮞ  ﺭﺍﺕ ﮔﺬﺭﮮ ﺳﻮﯾﺮ ﮐﺎ ﺟﺐ ﺩﯾﺪﺍﺭ ﮨﻮﮔﺎ ﺍﯾﮏ ﺍﻭﺭ ﺷﺐ ﮐﺎ ﺍﻧﺘﻈﺎﺭ ﮨﻮﮔﺎ 

محمد مسعود میڈوز نونٹگھم یو کے

محبت میں جو ڈوبا

محبت میں جو ڈوبا ہو اسے ساحل سے کیا لینا دینا 

مسعود کسے اس ہجر میں جا کر کنارہ یاد رہتا ہے

محمد مسعود نونٹگھم یوکے

درد کی دولت

دوستوں کو بھی ملے درد کی دولت یا رب

میرا اپنا ہی بھلا ہو مُجھے منظور نہیں 

DARD KI DAULAT

Doston ko bhi mile dard ki daulat ya rab,

Mera apna hi bhalla ho mujhe manzuur nahin

محمد مسعود نونٹگھم یو کے

مریض کتنے تڑپتے ہیں

مریض کتنے تڑپتے ہیں ایمبولینسوں میں

اور انکا حال ہے ایسا کہ مرنے والے ہیں 

مگر پولیس نے ٹریفک کو روک رکھا ہے

یہاں سے قوم کے خادم گزرنے والے ہیں 

محمد مسعود نونٹگھم یوکے

مصروف زندگی

اے زندگی------------صرف اتنا بتا مُجھے

یہ مصروف لوگ میرے جنازے پر تو آئیں گے نا

محمد مسعود نونٹگھم یوکے

کفن بھی کیا چیز ہے

کفن بھی کیا چیز ہے 

جس نے بنایا اُس نے بیچ دیا

خریدنے والے نے استعمال ہی نہ کیا 

اور جس نے استعمال کیا 

اُسے معلوم ہی نہیں

محمد مسعود نونٹگھم یوکے 

اپنی پروفائل پر فرانس کا جھنڈا ہی کیوں

اپنی پروفائل پر فرانس کا جھنڈا ہی کیوں 

میں دہشت گردی کی مزمت کرتا ہوں لیکن میں آپ سب کی طرح اپنی پروفائل تصویر کو فرانس کے جھنڈے میں نہیں رنگنا چاہتا میں نے اگر ایسا کرنا ہے تو مجھے سب سے پہلے 

پاکستان

کشمیر 

لبنان 

فلسطین 

شام 

عراق 

مصر 

افغانستان 

کے جھنڈوں کو یاد کرنا ہو گا یہ سب ملک بھی بدترین دہشت گردی کا شکار ہیں یہاں بھی قتل و غارت ہو رہی ہے لیکن کسی نے بھی ان ممالک کے جھنڈے پروفائل پر لگا کر انہیں سپورٹ نہین کیا کیا صرف اس لیے کہ یہ مسلم ممالک تھے فرانس کا جھنڈا لگا کر اس کی مظلومیت کو ضرور سپورٹ کریں لیکن جب فلسطینی سوال کریں تو ان کا جواب بھی ابھی سے سوچ لیجئے کشمیریوں پر ہونے والے ظلم سے لے کر فلسطین تک ہونے والی دہشت گردی کی مذمت شاید ہم پر فرض نہیں ہے میں نے بھی سوچا کہ میں بھی فرانس کے ساتھ اظہار یکجھتی کروں اور اپنی پروفائل تصویر کو اس کے جھنڈے میں رنگ دوں پھر خیال آیا کہ اگر کسی کشمیری فلسطینی  عراقی  لبانی شہری نے سوال ہی کر دیا کہ کیا ہم پر ہونے والے حملوں کی مزمت بھی ایسے ہی کرتے رہے ہو تو میں کیا جواب دوں گا میں ہر قسم کی دہشت گردی کی مذمت کرتا ہوں لیکن میں  معذرت کے ساتھ کہوں گا میں مظلومیت کو مسلم اور غیر مسلم میں تقسیم کرنے کی جرات نہیں رکھتا  میرے نزدیک فرانس میں دہشت گردی ہوئی لیکن میں عراق میں گرنے والے امریکی بارود کو بھی دہشت گردی ہی سمجھتا ہوں میں فلسطین میں ہونے والے اسرائیلی حملوں کو بھی دہشت گردی ہی کہوں گا اور میں کشمیریوں کو بھی دہشت گرد کہنے کی بجائے مظلوم کہوں گا میں بیک وقت سبھی ممالک کے جھنڈوں کے رنگ سے اپنی تصویر نہیں رنگ سکتا اور نہ کسی ایک کے ساتھ کھڑا ہو سکتا ہوں میری ہمدردیاں سب کے ساتھ ایک جیسی ہیں چاہے وہ دہشتگردی مسلم مملک میں ہو یا پھر غیر مسلم مملک میں 

اور میں دُنیا کے ہر ایک مُلک اور ہر ایک کونے سے جہاں انسان بستے ہیں مجھے محبت ہے پیار ہے یہ میرے رب کی بنائی ہوئی کائنات ہے دہشتگردوں کی نہیں   

آخر میں میں بعذات خود دُعاگو ہوں کہ میرا رب ہر مُلک پر اپنے پیارے حبیب کے صدقے اپنی رحمتوں کا سایہ قائم ؤ دوئم رکھے 

آمین ثم آمین 

محمد مسعود نونٹگھم یوکے 

درد تو مُجھے ہی ہو گا

سوچا یاد نہ کرکے تھوڑا تڑپاؤں ان کو کسی اور کا نام لے کر جلاؤں ان کو

پھر چوٹ لگے گی ان کو 

پھر سوچا کہ درد تو مُجھے ہی ہو گا

محمد مسعود نونٹگھم 

راتوں کا درد

میں بہت درد چُھپاتا ہوں رات کے اندھیروں میں مسعود

دُعا کیا کرو کہ کُچھ دیر کے لیے مُجھے بھی نیند آ جائے کبھی

محمد مسعود نونٹگھم یو کے

شفیق اُستاد

شفیق اُستاد 

پرانے استاد کو اپنی تعلیم مکمل کرنے کیلئے چھٹی پر جانا پڑا تو ایک نئے استاد کو اس کے بدلے ذمہ داری سونپ دی گئی.
نئے استاد نے سبق کی تشریح کر چکنے کے بعد، ایک طالبعلم سے سوال پوچھا۔
اس طالبعلم کے ارد گرد بیٹھے دوسرے سارے طلباء ہنس پڑے۔ استاد کو اس بلا سبب ہنسی پر بہت حیرت ہوئی، مگر اس نے ایک بات ضرور محسوس کر لی کہ کوئی نا کوئی وجہ ضرور ہوگی۔
طلباء کی نظروں، حرکات اور رویئے کا پیچھا کرتے آخرکار استاد نے یہ نکتہ پا لیا کہ یہ والا طالبعلم  ان کی نظروں میں نکما، , احمق، پاگل اور غبی ہے، ہنسی انہیں اس بات پر آئی تھی کہ استاد نے سوال بھی پوچھا تو کسی پاگل سے ہی پوچھا۔
جیسے ہی چھٹی ہوئی، سارے طلباء باہر جانے لگے تو استاد نے کسی طرح موقع پا کر اس طالب کو علیحدگی میں روک لیا۔ اسے کاغذ پر ایک شعر لکھ کر دیتے ہوئے کہا، کل اسے ایسے یاد کر کے آنا جیسے تجھے اپنا نام یاد ہے، اور یہ بات کسی اور کو پتہ بھی نا چلنے پائے۔
دوسرے دن استاد نے کلاس میں جا کر تختہ سیاہ پر ایک شعر لکھا، اس کے معانی، مفہوم، ابلاغ اور تشریح بیان کر کے شعر مٹا دیا۔ پھر طلباء سے پوچھا؛ یہ شعر کسی کو یاد ہو گیا ہو تو وہ اپنا ہاتھ کھڑا کرے!
جماعت میں سوائے اس لڑکے کے ہچکچاتے، جھجھکتے اور شرماتے ہوئے ہاتھ کھڑا کرنے کے اور کوئی ایک بھی ایسا لڑکا نا تھا جو ہاتھ کھڑا کرتا۔ استاد نے اسے کہا سناؤ، تو لڑکے نے ازبر یاد کیا ہوا شعر سنا دیا۔
استاد نے لڑکے کی تعریف کی اور باقی سارے لڑکوں سے کہا اس کیلئے تالیاں بجائیں۔ سارے طالبعلم حیرت و استعجاب سے دیدے پھاڑے اس لڑکے کو دیکھ رہے تھے۔
اس ہفتے وقفے وقفے سے، مختلف اوقات میں اور مختلف طریقوں سے ایسا منظر کئی بار ہوا، استاد لڑکے کی تعریف و توصیف کرتا اور لڑکوں سے حوصلہ افزائی کیلئے اس کیلئے تالیاں بجواتا۔
دوسرے طلباء کی نظریں، رویہ اور سلوک اس کے ساتھ بدلنا شروع ہو گیا۔
اس طالب نے بھی اپنے آپ کو بہتر اور افضل سمجھنا شروع کر دیا، اپنی ذات پر بھروسہ کرنے لگا، غبی اور پاگل کی سوچ سے باہر نکل کر عام طلباء بلکہ بہتر کی جانب بڑھنا شروع ہو گیا۔ اپنی صلاحیتوں کو بہتر استعمال کرنے لگا، پر اعتماد ہوا، دوسروں جیسا پڑھنے لگا بلکہ دوسروں کے ساتھ مقابلے میں آنے لگا۔
امتحانات میں خوب محنت کی، اپنے آپ کو ثابت کیا اور اچھے نمبروں سے پاس ہو گیا۔ اگلی جماعتوں میں اور بہتر پڑھا، یونیورسٹی تک پہنچا، آجکل پی ایچ ڈی کر رہا ہے۔

یہ ایک اخبار میں چھپنے والا شخصی قصہ ہے جس میں ایک شخص اس ایک شعر کو اپنی کامیابی کی سیڑھی قرار دے رہا ہے جو ایک شفیق استاد نے چپکے سے اسے یاد کرنے کیلئے لکھ کر دیدیا تھا۔

محمد مسعود کا کہنا یہ ہے کہ

لوگ دو قسم کے ہوتے ہیں:
ایک قسم ان لوگوں کی ہوتی ہے جو خیر کی کنجیوں کا کام کرتے ہیں، شر کے دروازے بند کرتے ہیں، حوصلہ افزائی کرتے ہیں، داد دیتے ہیں، بڑھ کر ہاتھ تھامتے ہیں، اپنی استطاعت میں رہ کر مدد کر دیتے ہیں، دوسروں کے شعور اور احساس کو سمجھتے ہیں، کسی کے درد کو پڑھ لیتے ہیں، مداوا کی سبیل نکالتے ہیں، رکاوٹ ہو تو دور کر دیتے ہیں، تنگی ہو آسانی پیدا کرنے کی کوشش کرتے ہیں، ترشی ہو تو حلاوت گھولنے کی کوشش کرتے ہیں، مسکراہٹ بکھیرتے ہیں، انسانیت کو سمجھتے ہیں، انسانیت کی ترویج کر دیتے ہیں، کسی کی بیچارگی کو دیکھ کر ملول ہوتے ہیں اور اپنے تئیں چارہ گری کی سبیل کرتے ہیں، ابتداء کرتے ہیں، ایجاد کرتے ہیں، ساتھ دیتے ہیں، مل کر کھاتے ہیں، دکھ بانٹتے ہیں، درد سمجھتے ہیں۔
دوسری قسم کے لوگ اس کے برعکس شر کا دروازہ کھولنے والے، قنوطیت اور یاسیت کو پروان چڑھانے والے، چلتوں کو روکنے والے، سامنے پتھر لڑھکانے والے، حوصلوں کو پست کرنے والے، منفی رویوں کی ترویج اور اجاگر کرنے والے، شکایتوں کے پلندے اٹھائے، نصیبوں کرموں اور تقدیروں کو رونے والے، راستے بند اور راستوں میں کھونٹے گاڑنے والے۔
آپ معلم ہیں، والد ہیں، والدہ ہیں، استاد ہیں، قائد ہیں، یا ایک عام شہری ہیں؛ ایک سوال ہے آپ سے: کیا آپ اپنی قسم بیان کر سکتے ہیں؟

اللهم اجعلنا ممن يعين على فعل الخير ويدخل السرور على الآخرين .. واجعلنا يا إلهي مفاتيح للخير مغاليق للشر - 

آمین آمین آمین ثم آمین 

آخر میں آپ سب سے التماس ہے کہ میرے اور فیملی کے لیے دُعا ضرور کریں اور ہمیشہ اپنی دُعاؤں میں یاد رکھیں 

شُکریہ

محمد مسعود میڈوز نونٹگھم یو کے 

دسمبر

دسمبر

تُمہارے بعد گزریں گے بھلا کیسے ہمارے دن

نومبر سے بچیں گے_ تو دسمبر مار ڈالے گا

محمد مسعود نونٹگھم یوکے

لالچ بُری بلا

لالچ بُری بلا ہے

محمد مسعود نونٹگھم یو کے

ایک لالچی شخص کے پاس ایک دودھ دینے والی گائے تھی۔ پس وہ روزانہ اس کا دودھ پانی ملا کر بیچتا تھا۔ اس طرح وہ دوگنا پیسے کما لیتا۔ اتفاق سے ایک دن وہ گائے کسی چراگاہ میں چر رہی تھی کہ اچانک سیلاب آیا اور گائے کو بہا کر لے گیا۔

وہ شخص اپنے گائے کے غم میں بیٹھا رو رہا تھا کہ اس کے بیٹے نے اس سے کہا:

"اے ابا جان! اس میں رونے کی کیا بات ہے۔ وہ پانی جس کو ہم دودھ میں ملا کر بیچتے تھے، جمع ہوتے ہوتے آج ہماری گائے کو ہی بہا کر لے گیا۔

شعلہ اور شبنم

شعلہ اور شبنم

اس زمیں آسماں کی خیر نہیں آج اُس کا مزاج برہم ہے

سب دئیے اُس کے سامنے گُل ہیں کون شعلہ ہے کون شبنم ہے

محمد مسعود نونٹگھم یو کے

گاؤں بارش میں سلامت ہیں نگر ڈوب گئے

گاؤں بارش میں سلامت ہیں نگر ڈوب گئے 

محمد مسعود


گاؤں بارش میں سلامت ہیں نگر ڈوب گئے 
جو بلندی پہ بنے تھے وہی گھر ڈوب گئے

ایسا سیلاب نہ پہلے کبھی دیکھا نہ سنا 
دیکھتے دیکھتے سارے ہی شجر ڈوب گئے 


اب جہاں کس سے اجالے کی لگائے امید  
بحر تاریکی میں خود شمس و قمر ڈوب گئے 


ان سفینوں کے مقدّر پے  بھنور بھی ہے اداس 
آ گئے تھے جو کناروں پہ مگر ڈوب گئے 


ایک سیلاب سا دنیائے ادب میں آیا 
کم نظر زندہ رہے اہل نظر ڈوب گئے 


خوش ہیں رہگیر کناروں پہ کسے اس کا ہوش
ساتھ کچھ اور بھی تھے جانے کدھر ڈوب گئے 

پیاس بھی خوب تھی کہ بڑھتی ہی رہی 
 جام صہبا میں میرے شام و سحر ڈوب گئے 

سرد موسم

سرد موسم

موسم آنے والا ہے سردی کا مسعود

اور کچھ نہیں تو اداسی اوڑھ لینا

محمد مسعود نونٹگھم یو کے

خط

خط

تمہیں عادت تھی نہ خط جو لکھنے کی 

مسعود خط پہ اب نام کس کا لکھتے ہو

محمد مسعود نونٹگھم یوکے

گئیے دنوں کی یاد

Iگئیے دنوں کی یاد

کسی کا عشق کسی کا خیال تھے ہم بھی 

گئیے دنوں میں بہت باکمال تھے ہم بھی  

محمد مسعود نونٹگھم یوکے 

GAY DINON KI YAAD

                                                                          

KISI KA ISHQ KISI KA KHAYAAL THEY HUM BHI
GAYE DINON MAIN BOHAT BA KAMAAL THEY HUM BAHI

M MASOOD NOTTM UK 

میں کتنا عجیب ہوں

کتنا عجیب ہوں

میں بھی کتنا عجیب ہوں اتنا عجیب ہوں کہ

بس خود کو تباہ کر لیا اور ملال بھی نہیں

محمد مسعود نونٹگھم یو کے

تمہاری یاد

تمہاری یاد

دیئے کی لو سے اندھیرا اوجھال رکھا ہے

تمہاری یاد کا بے حد خیال رکھا ہے 

محمد مسعود نونٹگھم یو کے

TUMHARI YAAD

Diye ki lau se andhera ujaal rakha hai

Tumhari yaad ka behadh khayaal 

rakha hai

M MASOOD NOTTM UK

جُدائی کے معنی

جُدائی کے معنی 

گوشت ناخن سے الگ کر کے دکھایا میں نے
اُس نے پوچھے تھے جدائی کے معنی مجھ سے

محمد مسعود نونٹگھم 

خاموشی

خاموشی 

میرے رُوٹھ جانے سے اب اُن کو کوئی فرق نہیں پڑتا

بےچین کر دیتی تھی کبھی جن کو میری خاموُشی 

KHAAMOSHI 

MERE ROOTH JANE SE AB UNKO KOI FARAQ NAHI PARTA

BECHAIN KAR DAITI THI KABHI JONKO KHAAMOSHI MERI 

محمد مسعود نونٹگھم یو کے

یادیں

یادیں 

وہ اپنی یادوں کے سہارے جینا چاہتے ہیں اور میں اُن کے سہارے

محمد مسعود نونٹگھم یو کے

خالی گھر

خالی گھر 

ایسے بھی گھر میں کیا رکھا ہے کے ترتیب دوں جسے 

کُچھ خواب ہیں اِدھر سے اُدھر کر رہا ہوں میں

محمد مسعود

دور تجھ سے گزری جو ہر گھڑی لکھ رہا ہوں

دور تجھ سے گزری جو ہر گھڑی لکھ رہا ہوں 

جو بیتا ہے مجھ پر وہ سبھی لکھ رہا ہوں،

تو نے غموں میں اُلجھایا بہت ہے مُجھے 

میں نام تیرے اپنی ہر خوشی لکھ رہا ہوں

یہ عمر بھر کا بندھن ہے دو چار دن کا نہیں

دل میں جتنی ہے چاہت میں سبھی لکھ رہا ہوں

کرو میری باتوں کا یقین تم اگر کرتے ہو تو 

میں تیرے لئے جو کچھ بھی ہوں ابھی لکھ رہا ہوں

نہیں کمی کسی لفظ کی میری اس کتاب میں

میں فقط اپنی غزل میں تیری کمی لکھ رہا ہوں

شاید درد تجھے میرا کبھی اچھا نہ لگے نام 

میں تیرے لئے خود کو اجنبی لکھ رہا ہوں

محمد مسعود 

بوڑھے والدین

بوڑھے والدین 

ایک بیٹا اپنے بوڑھے والد کو یتیم خانے میں چھوڑ کر واپس لوٹ رہا تھا اس کی بیوی نے اسے یہ یقینی بنانے کے لئے فون کیا کہ والد تہوار وغیرہ کی چھٹی میں بھی وہیں رہیں گھر نہ چلے آیا کریں بیٹا پلٹ کے گیا تو پتہ چلا کہ اس کے والد یتیم خانے کے سربراہ کے ساتھ ایسے گھل مل کر بات کر رہے ہیں کہ بہت پرانے اور قریبی تعلق ہوں تبھی اس کا باپ اپنے کمرے کا بندوبست دیکھنے کے لئے وہاں سے چلا گیا اپنی تجسس کو ٹھنڈا کرنے کے لئے بیٹے نے یتیم خانے کے سربراہ سے پوچھ ہی لیا آپ میرے والد کو کب سے جانتے ہیں انہوں نے مسکراتے ہوئے جواب دیا بیٹا گزشتہ تیس سال سے جب وہ ہمارے پاس ایک یتیم بچے کو گود لینے آئے تھے

محمد مسعود میڈوز نونٹگھم یو کے

دیا ( چراغ )

دیا  ( چراغ )

تُجھ کو پانے کی آرزو کرنا 

آندھیوں میں دیا جلانا تھا

محمد مسعود

DIYA  ( light )

Tujh ko paanay ki aarzu karna,
Aandhiyon main diya jalaana tha

اپنے غم

اپنے غم 

جب بھی کسی سے کہنے کو ہم اپنے غم گئیے 

ہونٹوں تک آتے آتے الفاظ جم گئیے 

محمد مسعود نونٹگھم یو کے

APNE GHAM

Jab bhi kisi se kehne ko hum apne gham gaye Honton tak aate aate alfaaz jamm gaye 

M MASOOD UK

مجھے اب ڈر نہیں لگتا

مجھے اب ڈر نہیں لگتا

محمد مسعود

مجھے اب ڈر نہیں لگتا

کسی کے دور جانے سے

تعلق ٹوٹ جانے سے 

کسی کے مان جانے سے

کسی کے روٹھ جانے سے

مجھے اب ڈر نہیں لگتا

کسی کو آزمانے سے

کسی کو یاد رکھنے سے

کسی کو بھول جانے سے

کسی کو چھوڑ جانے سے

کسی کے چھوڑ جانے سے

مجھے اب ڈر نہیں لگتا