ایسا نہیں کہ ہم کو محبت نہیں ملی

ایسا نہیں کہ ہم کو محبت نہیں ملی

محمد مسعود نونٹگھم یو کے

ایسا نہیں کہ ہم کو محبت نہیں ملی

تجھے چاہتے تھے پر تیری الفت نہیں ملی

ملنے کو تو زندگی میں کئی ہمسفر ملے

پر ان کی طبیعت سے اپنی طبیعت نہیں ملی

چہروں میں دوسروں کے تجھے ڈھونڈتے رہے

صورت نہیں ملی تو کہیں سیرت نہیں ملی

بہت دیر سے آیا تھا وہ میرے پاس یاروں 

الفاظ ڈھونڈنے کی بھی مہلت نہیں ملی

تجھے گلہ تھا کہ توجہ نہ ملی تجھے

مگر ہم کو تو خود اپنی محبت نہیں ملی

ہمیں تو تیری ہر عادت اچھی لگی پر افسوس

تیری عادت سے میری عادت نہیں ملی 

غموں کو اگر ہم سے دل لگی نہیں ہو گی

 غموں کو اگر ہم سے دل لگی نہیں ہو گی

ہمیں یقین ہے کہ پھر شاعری نہیں ہو گی

تمھاری یاد کے دل میں چراغ جلتے ہیں

یہ بُجھ گئےتو یہاں روشنی نہیں ہو گی

ہم نے تو تمام عمر گزاری ہے آبیاری میں

مگر یہ شاخ تمنا کبھی میری نہیں ہو گی

میں تو راہ حق کا ہی مسافر ہوں مسعود

میرے دُکھوں میں زرا بھی کمی نہیں ہو گی

جب میں چھوٹا سا تھا

جب میں چھوٹا سا تھا

شاید دنیا بہت بڑی ہوا کرتی تھی 

مجھے یاد ہے

میرے گھر سے اسکول تک کا وہ راستہ 

کیا کیا نہیں تھا راستے میں وہاں

چاٹ کے ٹھیلے جلیبی کی دکان 

برف کے گولے اور بہت کچھ 

اب وہاں موبائل شاپ  ویڈیو پارلر ہیں 

پھر بھی سب سُونا ہے 

شاید اب دنیا سمٹ رہی ہے

جب میں چھوٹا سا تھا

شاید شامیں بہت لمبی ہوا کرتی تھیں 

مجھے یاد ہے 

میں ہاتھ میں پتنگ کی ڈور پکڑے

گھنٹوں اڑا کرتا تھا

وہ لمبی سائیکل ریس

وہ بچپن کے کھیل 

وہ ہر شام تھک کے چور ہو جانا

اب وہاں شام نہیں ہوتی دن ڈھلتا ہے

اور براہ راست رات ہو جاتی ہے

شاید وقت سمٹ رہا ہے 

جب میں چھوٹا سا تھا

شاید دوستی بہت گہری ہوا کرتی تھی

دن بھر وہ ہجوم بنا کر کھیلنا

وہ دوستوں کے گھر کا کھانا

وہ لڑکیوں کی باتیں 

وہ ساتھ رونا 

اب بھی میرے کئی دوست ہیں

پر دوستی جانے کہاں ہے

جب بھی ٹریفک سگنل پر ملتے ہیں

ہلو ہلو ہو جاتی ہے

اور پھر اپنے اپنے

راستے چل دیتے ہیں 

چھوٹی عید ہو یا بڑی عید

شادی ہو یا سالگرہ

خُوشی ہو یا غم

نئے سال پر

بس ایس ایم ایس آ جاتے ہیں،

شاید اب رشتے

تبدیل ہو رہے ہیں 

جب میں چھوٹا سا تھا

تب کھیل بھی عجیب ہوا کرتے تھے

چھپن چھپی ہو یا لگڈي ٹانگ

پوشم پا ہو یا ٹپپي ٹپپیی ٹاپ

اب وہاں انٹرنیٹ ہو یا موبائل 

اِن سے فرصت ہی نہیں ملتی 

شاید زندگی بدل رہی ہے

زندگی کا سب سے بڑا سچ یہی ہے 

جو اکثر قبرستان کے باہر

بورڈ پر لکھا ہوتا ہے 

 منزل تو یہی تھی

بس زندگی گزر گئی میری یہاں آتے آتے 

زندگی کا لمحہ بہت چھوٹا سا ہے 

کل کی کوئی بنیاد نہیں ہے

اور آنے والا کل صرف خوابوں میں ہی ہے 

اب جو بچ گئے ہیں 

اس لمحے میں تمناؤں سے بھری

اس زندگی میں ہم صرف حصہ ہیں

کچھ رفتار سست کرو

میرے دوستو

اور

اس زندگی کو جیو 

خوب جیو میرے دوستو

خلُوص

خلُوص

محمد مسعود

کبھی کسی کے خلوص کو نہ ٹھکرائیں

کیونکہ ہر انسان کے سینے میں دل ہوتا ہے 

وہ چاہے غریب کی بستی ہو یا امیر کی ہو

دل میں خُدا رہتا ہے دل تو خُدا کا گھر ہے

ہم کسی کا دل توڑتے ہیں 

تو اپنے رب کو ناراض کرتے ہیں 

اگر ہمیں اپنے کئے پر سزائیں ملنے لگیں

تو کہیں کے نہ رہیں 

کیونکہ وہ سب کُچھ دیکھتا ہے 

اور انصاف کرنے والا ہے

بہت سی باتیں بتانی ہیں تجھے

بہت سی باتیں بتانی ہیں تجھے

محمد مسعود

میرے گاؤں میں سمندر نہیں ہے

کچھ قطرے پانیوں کے قید ہیں

تالاب میں

جب بھی میں وطن واپس جاتا ہوں

تو ایک شام وہاں گزار دیتا ہوں

مسجد والے تالاب کی سیڑھیوں پر

تالاب کا پانی بدلتا نہیں کبھی

پانی قید ہے وہاں 

 شاید اسی لیے پہچانتا ہے مجھے

جب بھی میں جاؤں وہاں تو کہتا ہے

اچھا ہوا مسعود تو آ گیا 

بہت سی باتیں بتانی ہے تجھے 

اور پھر شروع ہو جاتا ہے

وہ فلاں کی دادی فوت ہو گی 

فلاں کے گھر بیٹا ہوا ہے

فلاں بابو کی نوکری چھوٹ گئی

مغرب کی طرف کا پیپل کا درخت کاٹ دیا

سڑک بنانے والوں نے

وغیرہ وغیرہ

پھر مجھ سے مخاطب ہو کر

پوچھتا ہے مسعود

اچھا یہ تو بتا شہر کے مزاج کیسے ہیں

کون بتاتا ہے تجھے خبریں شہر کی 

میں جواب دیتا ہو 

سمندر ہے نا  ڈھیر سارا پانی 

اور اتنا کہتے ہی 

ایک بگولا پانی کا

گلے میں اٹک جاتا ہے

خُدا حفظ کہہ کہ چلا آتا ہوں

واپس شہر میں

جہاں ایک بڑا سا سمندر ہے

روز سمندر کے کنارے بیٹھا

دیکھتا ہوں

کیسے سینکڑوں گیلن پانی 

بدل جاتے ہیں گزر جاتے ہیں

ایک آدھ قطرہ پانی کا

میری طرف بھی اچھال دیتا ہے سمندر

بس یوں ہی بغیر کسی جان پہچان کے 

اب روز بدلتے پانيوں  والا سمندر 

کیسے شناخت کر پائے گا مجھے

کیسے امید کروں اس سے

کہ وہ کہے گا مسعود

اچھا ہوا تو آ گیا

بہت سی باتیں بتانی ہیں تجھے 

رات گُزری اُن کے انتظار میں

رات گُزری اُن کے انتظار میں

محمد مسعود

رات گُزری اُن کے انتظار میں

اور آنُسو بہتے رہے پیار میں

تنہائی کی چادر تن سے لپٹے

بیھٹے رہے سانسوں کے منجدار میں 

تھا خامُوش منظر بدلا بدلا

دل بھی نہ تھا اختیار میں

وہ آئیں گے سوچتا رہا میں

کھلیں گی کلیاں پھر سے بہار میں

بے وجہ نکل پڑا تھا ایک دن مسعود

پیار ڈھونڈنے کے لیے اِس جہان میں

Poet: MOHAMMED MASOOD

NOTTINGHAM 

UK

میں رات گئے تک جاگوں گا

میں رات گئے تک جاگوں گا

کچھ دوست بہت یاد آئیں گے

کچھ باتیں تھیں پھولوں جیسی

کچھ خوشبو جیسے لہجے تھے

میں جب بھی چمن میں ٹہلوں گا

کچھ دوست بہت یاد آئیں گے

وہ پل بھر کی ناراضگی اور

مان بھی جانا پل بھر میں

میں خود سے جب بھی روٹھوں گا

کچھ دوست بہت یاد آئیں گے

اِن آنکھوں سے رواں رات بات ہو گی

اِن آنکھوں سے رواں رات برسات ہو گی

اگر زندگی صرف جذبات ہو گی

مسافر ہو تم مسافر ہیں ہم بھی

کسی موڑ پر پھر ملاقات ہو گی

صداؤں کو الفاظ ملنے نہ پائیں

نہ بادل گرجیں گے نہ برسات ہو گی

چراغوں کو آنکھوں میں محفوظ رکھنا

بڑی دور تک رات ہی رات ہو گی

ازل سے ابد تک سفر ہی سفر ہے 

کہیں صبح ہو گی کہیں رات ہو گی

اب جو رُوٹھے تو کبھی منانا نہیں جا کر

اب جو رُوٹھے تو کبھی منانا نہیں جا کر

سہہ لیں گے دُکھ اِسے سنانا نہیں جا کر

لوٹ آئے گا ضرور اگر وہ میرا ہوا تو

آج سے طے ہوا خود بلانا نہیں جا کر 

اِسے چاہا ہے اِسے چاہتے رہیں گے

اِس کے دل میں کیا ہے آزمانا نہیں جا کر

ملے تو برسا دیں گے ہم  اپنا پیار اِس پر 

نہیں تو حالِ دل بھی بتانا نہیں جا کر

محمد مسعود

میڈوز

نونٹگھم یو کے 

محبت زندگی کا سفر

محبت زندگی کا سفر

محمد مسعود نونٹگھم 

محبت کا سفر بھی کیا سفر ہے

جو ادھورا ہو نہیں سکتا

محبت کا مسافر چاہے چکنا چُور ہو 

تھک نہیں سکتا کبھی راستے میں رُک نہیں سکتا

اور اِس میں واپسی کی کوئی گنجائش نہیں ہوتی

محبت زندگی کا سفر ہے

محبت

محبت

محبت نہ کرنا انسان کے بس میں نہیں ہوتا

محبت کیوں کی

کی نہیں جاتی ہو جاتی ہے

اگر محبت دو فریقوں کے درمیان میں ہو

تو زندگی جنت اور اگر محبت کے شکنجے میں

ایک ہی انسان پھنس جائے تو دوسرا نہ کر پائے تو

زندگی جہنم سے کم نہیں 

محمد مسعود نونٹگھم یوکے

میڈوز

ہمیں گہری نیند سونے دو

ہمیں گہری نیند سونے دو

محمد مسعود نونٹگھم یو کے

ہمیں گہری نیند سونے دو

آ جاؤ ہم حواسوں میں نہیں 

ہمارے سارے خواب نوچ لو 

ہمیں گہری نیند سونے دو

ہمیں کھونے دو

وہ ساری یادیں جو آتی ہیں ہمیں تیری

وہ ساری راتیں جو ہجر میں تیرے

ہمیں اب تھک کے چُور ہونے دو

ہمیں گہری نیند سونے دو

ہمیں گہری نیند سونے دو

اِے دل اِسے کبھی توبُھول جایا کرو

اِے دل اِسے کبھی تو بُھول جایا کرو

محمد مسعود نونٹگھم یو کے

اِے دل اِسے کبھی تو بُھول جایا کرو

دیکھنا وہ ایک دن تُجھے چھوڑ جائے گا

نہ اِسے اتنا تم ستایا کرو

اتنا اعتبار بھی اچھا نہیں ہوتا

شدتِ غم سے سینہ پھٹ جائے گا

آنکھ سے کچھ آنُسو بہایا کرو

اِس جیسا تُجھے کہیں مل نہیں سکتا

ہزار بار بھی رُوٹھے تو منایا کرو

یہاں بعد مُدت کوئی سُکھ ملتا ہے 

ہاتھ آئی خوشی یوں نہ گنوایا کرو

کچھ راز ہیں میرے سینے میں

کچھ راز ہیں میرے سینے میں

محمد مسعود نونٹگھم 

کچھ راز ہیں میرے سینے میں 

دن بہت کم ہیں میرے جینے میں

مجھے دھیرے دھیرے کہنے دو

مجھے اپنے دل میں رہنے دو 

میری بوجھل پلکیں کہتی ہیں 

مجھ کو یقین سچ کہتی ہیں

میں سب کچھ کھونا چاہتی ہوں

بس تیری بس تیری ہونا چاہتی ہوں

عجیب خواہش میں کھو جاؤں

تیری گود میں سر رکھ کے سو جاؤں

مجھ پر ایک احسان کر دو

ایک دن میرے نام کر دو

پھر نہ میں لوٹ کے آؤں گی

نہیں تجھ کو کبھی ستاؤں گی

کچھ راز ہیں میرے سینے میں 

دن بہت کم ہیں میرے جینے میں

موسم بہار میں تنہا ہوۓ تو ہم رو پڑے

موسم بہار میں تنہا ہوۓ تو ہم رو پڑے

محمد مسعود نوٹیگم یو کے

موسم بہار میں تنہا ہوۓ تو ہم رو پڑے

ملے ملاۓ دوست کھوۓ تو ہم رو پڑے

بانہوں پہ سونے کی ایسی فطرت بنی

آج تنہا جب سوۓ تو ہم رو پڑے

جب دل غمگین ہوا ہم نے برداشت کی

آنکھوں نے آنسو پروۓ تو ہم رو پڑے

وہ سپنوں میں تو بہت خوش ہو گۓ

سپنوں کے اختتام ہوۓ تو ہم رو پڑے

اتنا عادی کیا کسی نےپھولوں کا مجھے

کسی نے کانٹے چھبوۓ تو ہم رو پڑے

سوچا تھا خوش دلی سے لکھیں گے غزل 

مگر قلم سیاہی میں جب ڈبوۓ تو ہم رو پڑے

چھوڑ دی تیری دنیا تیری خوشی کے لیے

چھوڑ دی تیری دنیا تیری خوشی کے لیے

محمد مسعود میڈوز نونٹگھم یو کے

چھوڑ دی تیری دنیا تیری خوشی کے لیے

جی سکیں گے نہ اب ہم اور کسی کے لیے

تیرا ملنا اور بچھڑنا ایک خواب تھا

تیری چاہت تو تھی دل لگی کے لیے

میرے آنگن میں ہر سو اندھیرا رہا

چراغ ڈھونڈا بہت روشنی کے لیے

اپنی قسمت میں اشکوں کی سوغات تھی

ہم تو ترستے رہے ایک ہنسی کے لیے

تیری جدائی سے بڑھ کر اور کیا غم ہو گا

مسعود زخم کافی ہیں یہی زندگی کے لیے

اچھا ہوا تو نہیں اُمید نہیں آس نہیں یاد نہیں

اچھا ہوا تو نہیں اُمید نہیں آس نہیں یاد نہیں

محمد مسعود نونٹگھم یو کے

اچھا ہوا تو نہیں اُمید نہیں آس نہیں یاد نہیں 

اب ہم تنہا ہوئے تو جینا سیکھ لیں گے ہم 

پہلے غم کی تشہیر کر دیا کرتے تھے ہم 

اب غموں کو تو پینا سیکھ لیں گے ہم

جن کے آنے پہ تم نظریں چرا بیٹھے ہو

جب اُنہوں نے وفا کی تو دیکھ لیں گے ہم

جل چکا ہے آشیانہ حفاظت کیا ہے ضرورت

ہم ہر بڑھتے ہوئے طوفان کو روگ لیں گے ہم 

پہلے کی طرح تیرے دھوکے میں نہ آئیں گے ہم 

اپنی منزل کے لیے خود ہی سوچ لیں گے ہم

تُجھے مناؤں تو مان جانا

میں اپنی راتوں کی فرصتُوں میں تُجھے 

مناؤں تو مان جانا

اگر کسی دن میں اپنے آنسُو بھی 

لے کے آؤں تو مان جانا

تو خوش نہیں ہے میری بقا پر تو صرف 

اتنا بتا دے مجھ کو

تیری خوشی کے لیے میں اگر سُولی پہ 

مسکراؤں تو مان جانا

تو بد گمان ہے میری وفا سے ایک بار 

تو آزما لے مجھ کو

جو ہار جاؤں تو لوٹ جانا 

جو جیت جاؤں تو مان جانا

سمندر سے پوچھو

سمندر سے پوُچھو

محمد مسعود نونٹگھم یو کے

سمندر کی لہروں سے پوُچھو ۔۔۔۔ پیار کیا ہے

کسی اجنبی سے کسی مسافر سے پُوچھو

کسی سے بھی پُوچھو کسی بھی طرح پُوچھو 

پیار کیا ہے

پیار ایک میٹھا موسم ہے

کبھی آنُسوؤں بھرتا ہے

کبھی مسکراہٹوں میں بھرتا ہے

پیار زندگی کی آباد گاہ ہے

جو کسی کے دل میں کسی کے لیے دھڑکتا ہے

پیار ایک پُر سُرور خوشبو ہے

جو دلوں میں سِمٹتا ہے مچلتا ہے

پیار نہ جانے پیار کیا ہے

حُسن زندگی جانے پیار کیا ہے

قیامت تین منٹ دور

قیامت تین منٹ دور

23/01/2015

محمد مسعود میڈوز نونٹگھم یو کے

بلیٹن آف اٹامک سائنٹسٹس نامی گروپ نے 'قیامت کی گھڑی' کو دو منٹ آگے بڑھادیا ہے جس کے بعد یہ آدھی رات سے صرف تین منٹ دور رہ گئی ہے۔

قیامت کی گھڑی کو 1947 میں بنایا گیا تھا۔ اسے 18 مرتبہ تبدیلی کیا جاچکا ہے۔ 1953 میں یہ گھڑی آدھی رات سے دو منٹ دوری پر تھی جبکہ 1991 میں یہ 17 منٹ دور کردی گئی تھی۔

یہ گھڑی 2012 سے آدھی رات سے پانچ منٹ کے فاصلے پر تھی تاہم اب اسے دو منٹ آگے کردیا گیا ہے اور اب یہ تین منٹ کی دوری پر رہ گئی ہے۔ آخری مرتبہ یہ 1983 میں اس پوزیشن پر آئی تھی جب امریکا اور سوویت یونین کے درمیان سرد جنگ چل رہی تھی۔

گروپ کے ایگزیکیٹیو ڈائریکٹر کینٹ بینیڈکٹ نے کہا کہ موسمیاتی تبدیلی اور نیوکلیئر ہتھیاروں کی دوڑ اور بڑی تعداد میں موجود ان کے اثاثوں کی وجہ سے انسانی تہذیب کو شدید خطرات لاحق ہیں۔

انہوں نے کہا کہ دنیا کے رہنما شہریوں کو اس ممکنہ تباہی سے بچانے میں ناکام رہے ہیں۔

سائنسدانوں نے عوام سے درخواست کی ہے کہ وہ اپنے رہنماؤں پر اس حوالے سے کارروائی پر زور ڈالیں تاکہ فاسل فیول سے پیدا ہونے والی آلودگی اور مختلف ممالک میں جاری نیوکلیئر دوڑ کو ختم کیا جاسکے جس سے پوری دنیا کو خطرہ ہے۔

بینیڈکٹ نے کہا کہ ہم یہ نہیں کہہ رہے کہ کوئی ایکشن لینے کے لیے وقت ختم ہوچکا ہے تاہم یہ جلد ختم ہوسکتا ہے، دنیا کو اپنی سستی سے نکل کر تبدیلیاں لانی ہوں گی۔

گروپ کے مطابق ایسے اقدامات کرنے ہوں گے جن سے گرین ہاؤس گیسز کا اخراج محدود بنایا جاسکے تاکہ دنیا کا درجہ حرارت تیزی سے نہ بڑھے۔

گروپ کے ایک اور رکن رچرڈ سومرویل نے کہا کہ اب تک موسمیاتی تبدیلیوں کو روکنے کے لیے کیے گئے اقدامات ناکافی رہے ہیں۔

انہوں نے بتایا کہ اگر جلد اس اخراج میں کمی نہ لائی گئی تو دنیا کے مختلف ممالک اس صدی کے اختتام تک اتنی گرین ہاؤس گیسز کا اخراج کرچکے ہوں گے کہ دنیا کو کافی حد تک تبدیل ہوچکا ہوگا۔

انہوں نے بتایا کہ 2014 اب تک کے ریکارڈ کے مطابق گرم ترین سال تھا۔

انہوں نے بتایا کہ آئندہ آنے والے دنوں میں ان تبدیلیوں کے باعث کروڑوں افراد متاثر ہوں گے اور اہم ایکالوجیکل سسٹمز متاثر ہوں گے جن پر انسانی زندگی انحصار کرتی ہے۔

سائنسدانوں نے نیوکلیئر ہتھیاروں پر خرچ کی جانے والی رقم میں ڈرامائی کمی کا بھی مطالبہ کیا۔

بینیڈکٹ نے کہا کہ دنیا میں اس وقت 16300 نیوکلیئر ہتھیار موجود ہیں جو ان کے مطابق بہت زیادہ ہیں۔

گروپ کی ایک اور رکن شرون سکیوسونی نے کہا کہ حالانکہ روس اور امریکا کے پاس سرد جنگ کے مقابلے میں اب کافی کم نیوکلیئر ہتھیار ہیں تاہم انہیں ختم کرنے کا عمل تقریباً رک چکا ہے۔

بہت سی باتیں بتانی ہیں تجھے

بہت سی باتیں بتانی ہیں تجھے

محمد مسعود

میرے گاؤں میں سمندر نہیں ہے

کچھ قطرے پانیوں کے قید ہیں

تالاب میں

جب بھی میں وطن واپس جاتا ہوں

تو ایک شام وہاں گزار دیتا ہوں

مسجد والے تالاب کی سیڑھیوں پر

تالاب کا پانی بدلتا نہیں کبھی

پانی قید ہے وہاں 

 شاید اسی لیے پہچانتا ہے مجھے

جب بھی میں جاؤں وہاں تو کہتا ہے

اچھا ہوا مسعود تو آ گیا 

بہت سی باتیں بتانی ہے تجھے 

اور پھر شروع ہو جاتا ہے

وہ فلاں کی دادی فوت ہو گی 

فلاں کے گھر بیٹا ہوا ہے

فلاں بابو کی نوکری چھوٹ گئی

مغرب کی طرف کا پیپل کا درخت کاٹ دیا

سڑک بنانے والوں نے

وغیرہ وغیرہ

پھر مجھ سے مخاطب ہو کر

پوچھتا ہے مسعود

اچھا یہ تو بتا شہر کے مزاج کیسے ہیں

کون بتاتا ہے تجھے خبریں شہر کی 

میں جواب دیتا ہو 

سمندر ہے نا  ڈھیر سارا پانی 

اور اتنا کہتے ہی 

ایک بگولا پانی کا

گلے میں اٹک جاتا ہے

خُدا حفظ کہہ کہ چلا آتا ہوں

واپس شہر میں

جہاں ایک بڑا سا سمندر ہے

روز سمندر کے کنارے بیٹھا

دیکھتا ہوں

کیسے سینکڑوں گیلن پانی 

بدل جاتے ہیں گزر جاتے ہیں

ایک آدھ قطرہ پانی کا

میری طرف بھی اچھال دیتا ہے سمندر

بس یوں ہی بغیر کسی جان پہچان کے 

اب روز بدلتے پانيوں  والا سمندر 

کیسے شناخت کر پائے گا مجھے

کیسے امید کروں اس سے

کہ وہ کہے گا مسعود

اچھا ہوا تو آ گیا

بہت سی باتیں بتانی ہیں تجھے 

رات گُزری اُن کے انتظار میں

رات گُزری اُن کے انتظار میں

محمد مسعود

رات گُزری اُن کے انتظار میں

اور آنُسو بہتے رہے پیار میں

تنہائی کی چادر تن سے لپٹے

بیھٹے رہے سانسوں کے منجدار میں 

تھا خامُوش منظر بدلا بدلا

دل بھی نہ تھا اختیار میں

وہ آئیں گے سوچتا رہا میں

کھلیں گی کلیاں پھر سے بہار میں

بے وجہ نکل پڑا تھا ایک دن مسعود

پیار ڈھونڈنے کے لیے اِس جہان میں

Poet: MOHAMMED MASOOD

NOTTINGHAM 

UK

تم سے دور رہوں بھی مگر کیسے

تم سے دُور رہوں مگر کیسے

Tum Se Door Rahoon Magar Kaise

Poet: محمد مسعود نونٹگھم 

Tum Se Door Rahoon bhi Magar Kaise

Haal-E-Dil  Kahoon bhi Magar Kaise

تم سے دُور رہوں بھی مگر کیسے

حالِ دل کہوں بھی مگر کیسے

 

Bahut Samjhaya Is Pagal Dil Ko 

Dil Ko Mazboor Karoon bhi Magar Kaise

بہت سمجھایا اِس پاگل دل کو 

دل کو مجبُور کروں بھی مگر کیسے

Kuchh Toh Kahtay Hain Aankho Se Woh Bhi

Woh Baat Kagaz Par Likoon bhi Magar Kaise

کُچھ تو کہتے ہیں آنکھوں سے وہ بھی

وہ بات کاغذ پر لکھوں بھی مگر کیسے

Waqt Ki Lahron Se Main Waakif Toh Hoon

Waqt Ke Safar Ko Samjhun bhi Magar Kaise

وقت کی لہروں سے میں واقف تو ہوں 

وقت کے سفر کو سمجھاؤں بھی مگر کیسے

Har Gham Uttha Lenge Saath Jo Tum Ho

Tum Bin Khud Ko Sochun bhi Magar Kaise

ہر غم اُٹھا لیں گے ساتھ جو تم ہو 

تم بن خُود کو سوچوں بھی مگر کیسے

Tum Se Door Rahoon bhi Magar Kaise

Haal-E-Dil  Kahoon bhi Magar Kaise 

تم سے دُور رہوں بھی مگر کیسے

حالِ دل کہوں بھی مگر کیسے

انسان کی مُورت

انسان پیار کی مُورت

ضروری تو نہیں کہ انسان پیار کی مُورت ہو

ضروری تو نہیں کہ انسان 

اچھا اور بہت ہی خُوبصورت ہو

پر سب سے اچھا انسان وہ ہے

جو آپ کے ساتھ ہو جب آپ کو اُس کی 

ضرورت ہو

محمد مسعود نونٹگھم  یو کے

بیٹی

 بیٹی 

تحریر محمد مسعود میڈوز نونٹگھم یو کے  

بیٹی ایک ماں ایک بہن ایک دوست ایک رازدار کا امتزاج ہوتی ہے

یہ ایک کشمیرالجہت رِشتہ ہے گھر میں صرف اسکی موجودگی ہی رنگ اور خوشبو بھر دیتی ہے

جب تک غیر شادی شدہ ہوتی ہے بیٹی ایک ہمہ وقت شادمانی ہوتی ہے والدین کیلئے ہنسے کھیلنے والی گڑیا ہوتی ہے

وہ ماں سے رشتی کی وسعت ہوتی ہے اور باپ کی ہمہ وقت خبرگیری کرتی ہے وہ اپنی تھکی ماندی ماں کا ہاتھ بٹاتی ہے اوراپنے باپ کی پیشانی پر اُنس و محبت بھرا ہاتھ اسکے گھر واپس آنے پررکھتی ہے

جب آپ خود کو تنہا محسوس کرتے ہیں

جب آپ مایوس ہوں تو آپکو گلے لگا کرشادمانی سے مسکراتی ہے جب آپ اپنی صحت کو نظر انداز کرتے ہیں تو پیار بھری ڈانٹ پلاتی ہے

وہ آپکو اپنے محبت بھری انداز سے حیران کر تی ہے  جب بیٹی بیاہی جاتی ہے تواسکی اُداس نگاہیں بتاتی ہیں 

کہ

وہ آپکو کتنا یاد کرتی ہے اور وہ ہمیشہ مشکل وقت میں آپ کے ہمراہ ہوتی ہے  آپ جانتے ہیں کہ صرف وہ ہی ایک ایسا رِشتہ ہے 

جو دیگر تمام  رِشتے داروں کو پسِ پشت ڈال دے گی جب آپکو اُس کی  ضرورت ہو گی 

محمد مسعود میڈوز نونٹگھم یو کے

Bati 

Mohammed Masood 

کبھی تم مجھے قریب سے آ کر دیکھنا

کبھی تم مجھے قریب سے آ کر دیکھنا

Kabhi tum mujhe kareeb se aa k dekhna

محمد مسعود

M MASOOD

NOTTINGHAM UK

Kabhi tum mujhe kareeb se aa k dekhna

Aise nahi jara aur paas aa ke dekhna

کبھی تم مجھے قریب سے آ کر دیکھنا

ایسے نہیں زرا اور پاس آکر دیکھنا

Main tum se kitna pyar karta hoon

Mujhe kbhi seene se laga kar dekhna

میں تم سے کتنا پیار کرتا ہوں

مجھے کبھی سینے سے لگا کر دیکھنا

Main tumhe ashko ki kataar me najar aaunga

Meri yaad me kabhi aansu baha ke dekhna

میں تمہیں اشکوں کی قطار میں نظر آؤں گا

میری یاد میں کبھی آنسُو بہا کے دیکھنا 

Meri ghazal pad kar bhi tum par asar na ho

Toh logo ko meri ghazal suna ke dekhna

میری غزل پڑھ کر بھی اثر نہ ہو مسعود 

تو لوگوں کو میری غزل سُنا کے دیکھنا

بیوٹی پارلر کا کاروبا اسلام کی روح میں

بیوٹی پارلر کا کاروبار 

محمد مسعود نوٹنگھم یو کے 

آج کل بیوٹی پارلر کا کاروبار خطرناک حد تک مسلم ممالک میں زور پکڑتا جا رہا ہے۔ اور جہاں تک بیوٹی پارلر کی بات ہے ان پارلرز میں موسیقی ہر وقت چلائی جاتی ہے جو کہ اللہ اور اس کے رسول ﷺ کے حکم کی خلاف ورزی ہے ۔ اور اسلام نے عورتوں کو بہت ساری سجنے سنورنے کے حوالے سے احکامات بتائے ہیں لیکن ان پارلرز میں عورتیں اپنی پلکوں کو نوچواتی ہیں جو کہ اسلام ان چیزوں کو سختی سے منع کرتا ہے۔

ان بیوٹی پارلرز میں کسی بھی قسم کا پردہ نہیں کیا جاتا اور عورتیں ایک دوسرے کے سامنے بغیر پردے کے کام کرتی ہیں ۔ اور زیادہ تر بیوٹی پارلرز میں اسلام کے اصولوں کو مدنظر نہیں رکھا جاتا ۔ کیونکہ اسلام نے عورت کو صرف اور صرف اپنے شوہر کے لیے سجنے سنورنے کا حکم دیا ہے اور عورت کو خوشبو لگا کر گھر سے باہر نکلنے سے منع فرمایا ہے لیکن ان پارلرز میں عورتیں سجنے سنورنے کے علاوہ نہ تو وہ پردہ کرتی ہیں اور اس کے ساتھ ساتھ خوشبو لگا کر بازاروں میں گھومتی پھرتی ہیں۔

ان پارلرز میں عورتیں مردوں کا روپ دھار کر سجتی سنورتی ہیں حالانکہ نبی کریم ﷺ نے جو عورتیں مردوں کا روپ دھاریں اور جو مرد عورتوں کی مشابہت اختیار کریں تو ایسے مرد عورتوں پر لعنت کی گئی ہے۔ اس کے علاوہ بہت ساری عورتیں مصنوعی بال لگواتی ہیں جو کہ اسلام میں منع ہیں ۔

ہمارے معاشرے میں حرام حلال کی تمیز ختم ہوتی جارہی ہے اور بغیر کسی سوچ سمجھ کے کوئی بھی کاروبار شروع کر دیا جاتا ہے اور یہ چیز نہیں دیکھی جاتی کہ یہ کاروبار حلال ہے بھی یا نہیں ۔ اسی طرح بیوٹی پارلرز کا کاروبار بھی ٹھیک نہیں ہے ۔کیونکہ اس میں زیادہ تر کام اسلام کے اصولوں اور اقدار کے منافی ہے۔

اورحضور اکرم ﷺ فرمان اور اسلام کے تمام واضح اصولوں کے مطابق اور عالم اور قاضی کے فتووں کے مطابق جو عورت اپنے پلکوں کی اکھاڑے اور بنھووں کے بال اتروائے اور دانتوں کے درمیان مصنوعی خلا کہ تاکہ خوبصورت نظر آئے وغیرہ کروائے تو ایسی عورتوں پر لعنت کی گئی ہے۔

اسلام نے زندگی گزارنے کے اور حلال و حرام کی تمیز ہر انسان کو بتائی ہے ۔لیکن اس کے باوجود جو یہ کام کرتا ہے کیونکہ جو انسان خود برائی کرے اور دوسروں کو بھی برائی کی تلقین کرے تو وہ یاد رکھے کہ وہ اپنے گناہوں کا تو بوجھ اٹھائے گا ہی لیکن اس کے ساتھ ساتھ اس برائی کی تلقین کرنے والے کے گناہوں کا بوجھ بھی اپنے سر لے گا 

بیوٹی پارلر کا کاروبار

اور

سوال اور اِس کا جواب

کیا بیوٹی پارلر کا کاروبار کرنا اور اس میں کام کرنا کیسا ہے؟

موضوع: جدید فقہی مسائل  |  حجامت 

سوال پوچھنے والے کا نام: فیصل اکرام       مقام: نواب شاہ، سندھ

سوال نمبر 1472:

السلام علیکم کیا بیوٹی پارلر کا کاروبار کرنا اور اس میں کام کرنا کیسا ہے؟

جواب:

بیوٹی پارلر کا کاروبار کرنا یا اس میں کام کرنا دونوں جائز ہیں۔ شرعاً اس کے ناجائز ہونے کی کوئی دلیل نہیں ہے، مگر اس میں خیال رکھا جائے گا کہ اگر بیوٹی پارلر میں خواتین کام کرنے والی ہوں اور فقط خواتین ہی بناؤ سنگھار کے لیے آئیں، دلہن کو تیار کریں یا میک اپ کروانے آئیں تو ٹھیک ہے۔ یعنی پارلر میں کام کرنے والی بھی خواتین ہوں اور میک اپ وغیرہ کے لیے بھی صرف خواتین ہی آئیں۔

دوسری صورت میں مرد و خواتین میں اختلاط ہو یعنی خواتین مردوں کے لیے کام کریں یا مرد خواتین کا میک اپ کریں تو ایسا کرنا حرام ہے۔ ایسی جگہ پر کام کرنا اور ایسا کاربار کرنا دونوں حرام ہیں۔ اس کے علاوہ بیوٹی پارلر پر خلاف شریعت اگر کوئی کام لیا جائے تو پھر بھی یہ ناجائز اور حرام ہوگا۔

واللہ و رسولہ اعلم بالصواب۔

مفتی: حافظ محمد اشتیاق الازہری

تاریخ اشاعت: 2012-03-06

گھر چھوڑ کر

گھر چھوڑ کر

چلا ہوں گھر کو چھوڑ کر نہ جانے جاؤں گا کدھر

کوئی نہیں جو ٹوک کر کوئی نہیں جو روک کر

کہے کہ لوٹ آئیے میری قسم نہ جائیے

محمد مسعود

خوشی اور غم

خوشی اور غم

تحریر محمد مسعود نونٹگھم یو کے

خوشی اور غم انسانی زندگی کا حصہ ہوتے ہیں انسان اگر یہ چاہی کے اس کی زندگی میں ہمیشہ ہی خوشی رہے اسے کبھی غم کا کوئی سایہ نہ ہو تو ایسا ہونا نہ ممکن ہی ہے کیوں کہ خوشی کے ساتھ غم کل ہونا بھی انسان کی زندگی کا حصہ ہوتا ہے . اگر انسان کی زندگی میں خوشی ہی خوشی ہی ہو تو انسان اپنے رب کو کبھی یاد نہ کرے کیوں کے انسان نام ہی اسی چیز کا ہے خطا کا پتلا اسی لئے انسان کی زندگی میں جب جب کوئی خوشی ملے اسے چاہے کے اپنے رب کا شکر ادا کرے جس نے اسے خوشی دی لیکن جب کبھی کوئی غم ملے تو اس پر بھی صبر کرے کیوں کہ میرا رب اپنے بندے پر اس کی بساط سے زیادہ وزن نہیں ڈالتا کیوں کہ وہ سب ہی جانتا ہے خوشی اور غم دونوں ہی اس کے ہاتھ میں ہیںانسان کسی بھی چیز کی خوشی میں زیادہ خوش نہیں رہ سکتا کیوں کہ انسانی فطرت کا تقاضا ہے یہ بات بھی کہ وہ کسی بھی ایک خوشی میں بہت دائر تک خوش نہیں رہ سکتا یہ سب ایک فرضی چیز ہوتی ہے جیسا کے مجھے اگر کوئی خوشی ملے تو میں کش دائر یا کش دن تک اس کی خوشی محسوس کروں گا اس کے بعد بھول جاؤں گا اسی طرح جب انسان کی زندگی بھی کبھی باقی نہیں رہنے والی تو اسے یہ نہیں سوچنا چاہے کہ اس کے غم ہمیشہ اس کے ساتھ راہیں گے

تحریر محمد مسعود نونٹگھم یو کے

خوشی اور غم

خوشی اور غم

محمد مسعود میڈوز نونٹگھم یو کے

خوشی اور غم زندگی کی وہ کیفیات ہیں جو ہر انسان پریکے بعد دیگرے طاری ہوتی رہتی ہیں کوئی بھی انسان نہ تو ہمیشہ خوش رہتا ہے اور نہ ہی ہمیشہ اداس جس طرح دن اور رات کا سلسلہ ازل سے جاری ہے اور تا ابد قائم رہے گا اِسی طرح جب تک یہ زندگی ہے ہر ذی حیات انسان کو کسی نہ کسی صورت خوشی اور غم کی کیفیات سے واسطہ بھی رہے گا جس طرح نہ ہی ہر وقت دن رہتا ہے اور نہ ہی رات اسی طرح انسان بھی نہ تو ہمیشہ خوش رہتا ہے اور نہ ہی ہمیشہ اداس یہ خوشی اور غم ہی ہے جوانسان کو اداسی یا مسرت سے دوچار کرتی رہتی ہے اب یہ انسان پر ہے کہ وہ ان دونوں کیفیات میں اپنی شخصیت کا توازن کس طرح برقرار رکھتا ہے۔

خوشی کے لمحات میں اللہ کریم کا شکر ادا کرنا چاہیئے اور غم کے لمحات میں صبر بے شک اللہ صبر کرنے والوں کے ساتھ ہے سوگواریت کو اپنے اوپر طاری نہیں کرنا چاہیئے کہ یہ پھر مایوسی کی علامت ہے۔ خود بھی خوش رہیں اور دوسروں کو بھی خوش رکھیں۔

اللہ کرہم سب کو خوش اور آباد رکھے۔آمین

   

     محمد مسعود میڈوز نونٹگھم یو کے

تو الفاظوں کی طرح مجھ سے کتابوں میں ملا کر

تو الفاظوں کی طرح مجھ سے کتابوں میں ملا کر

Tu lafzon ki tarha mujh se kitabon mein mila kar

Poet: M MASOOD

Nottingham UK 

Tu lafzon ki tarha mujh se kitabon mein mila kar

Logon ka tujhe dar hai tu khawabon mein mila kar

تو الفاظوں کی طرح مجھ سے کتابوں ملا کر

لوگوں کا تجھے ڈر ہے تو خوابوں ملا کر

Phool ka khushboo se taluk hain zaruri

Tu mehak ban kar mujh se gulabon mein mila kar

پھول کا خوشبو سے تعلق ہے ضروری

تو مہک بن کر مجھ سے گلابوں ملا کر

Jise chhu kar main mehsoos kar saku

Tu masti ki tarha mujh se sharabon mein mila kar

جسے چھو کر میں محسوس کر سکوں

تو مستی کی طرح مجھ سے صحرابوں میں ملا کر

Main bhi insan hu, hai dar mujhko bhi behakne ka

Is waaste tu mujh se hijabon mein mila kar

میں بھی انسان ہوں ہے ڈر مجھ کو بھی بہکنے کا 

اِس واسطے تو مجھ سے حجابوں میں ملا کر   

شاعر محمد مسعود میڈوز نونٹگھم یو کے

MOHAMMED MASOOD NOTTINGHAM 

UK